كلام مضحك للحبيب الزعلان،من المشاكل العاطفية التي يمر بها أي شخصين ، هو الانزعاج والغضب من الطرف الاخر ، واليوم نقدم لكم نكت مضحكة للحبيب الزعلان ونصائح للمحافظة على ارضاء الزوج ، ومنها التصرف بهدوء مع المشكلة وعدم الاستسلام ، ويجب عليك معرفة ما الشيء الذي يحبه وتقومي بتقديمه له ، او ارتداء الملابس الجميلة ، والحديث معه بلين وكلام غزل جميل يلين قلبه الغاضب.
كلام مضحك للحبيب الزعلان
مرة واحد ومراته قاعدين سوا يتفرجوا على التليفزيون، جه مشهد رومانسي في مسلسل الزوج قال: شوفي الستات الحلوة بتقول كلام حلو لأزواجها ازاي؟ ردت مراته قالتله: شوف انت الأول بيبقوا قابضين كام عشان يقولوا الكلام دة.
واحد وخطيبته ماشيين مع بعض والجو رومانسي، قالها عارفة ايه الفرق بين علاقة الحب وعلاقة الجواز يا حبيبتي؟ قالتله لأ مش عارفة قولي ايه الفرق؟ قالها علاقة الحب دي عاملة زي النجوم الجميلة اللي فالسما وبنبصلها واحنا ماشيين دي، قالتله طب والحواز؟ قالها: الجواز بقى هو البلاعة اللي هنقع فيها واحنا بنبص على النجوم.
واحد خاطب واحدة بتحب الفلوس أكتر من أي حاجة تانية، مرة قاعدين سوا قاعدة رومانسية قالها: تعرفي أنا ممكن أضحي بكل حاجة عشانك، حتى لو هضحي بحياتي في سبيل انك تعرفي أنا بحبك قد ايه، ردت قالتله: طيب وليه حياتك ما تضحي بفلوسك بس وهبقى مبسوطة.
واحد ومراته متخانقين مع بعض ومش بيتكلموا، الراجل كان عاوز مراته تصحيه للشغل جاب ورقة وكتب عليها: صحيني الساعة 7 عشان الشغل وحطها على السرير، صحى تاني يوم متأخر لقى ورقة غيرها محطوطة على السرير ومكتوب فيها: الساعة 7 يلا قوم عشان متتأخرش.
مرة واحدة غبية كانت شاكة في جوزها انه بيخونها، عملت أكونت فيك على الفيسبوك وكلمته منه عشان تختبره وتشوف إذا هيخونها أو لأ، فضلت تتكلم معاه كتير وهو يقولها كلام حلو ورومانسي، وفي وسط الكلام تضحك تضحك، قالها باستغراب: بتضحكي ليه كدة من غير سبب؟ قالتله: أصل أنا أول مرة من أول ما اتجوزت جوزي يقولي كلام رومانسي أوي كدة.
مرة واحد ومراته نايمين الزوج صحى من النوم مفزوع، مراته سألته: خير يا حبيبي مالك؟ قالها: حلمت ان واحدة تانية خطفتني منك، ردت الزوجة قالتله: لا متخافش دة مجرد حلم، جوزها رد قالها: ما هو دة اللي مضايقني.
واحد مش بيطيق مراته، ف يوم مراته اتخطفت واللي خطفها بعتله صباعها المقطوع تهديد عشان يبعتله فدية، رد جوزها قالها: هعرف منين انها هي؟ ممكن يكون دة صباع واحدة غيرها، ابعتلي راسها وانا اتأكد.
مرة واحد ندل مراته حلمت حلم وحش قالتله: حلمت اني اترملت وكنت بعيط في الحلم، رد قالها: بعد الشر يا حبيبتي انشالله انا وانتي لأ.
واحد وخطيبته الطماعة قاعدين قعدة رومانسية، حب يبان رومانسي قالها: أنا يمكن مش غني زي محمود صاحبي ولا عندي عربية مرسيدس زيه، بس مش هتلاقي حد بحبك قدي، قالتله: أنا كمان بحبك يا حبيبي بس خلينا ف محمود
مرة واحدة غبية كانت عايزة تفرح جوزها يوم الفرح وتعمله مفاجأة قالتله أنا حامل.
واحد متجوز واحدة نكدية دايماً تنكد عليه بالليل والنهار، آخر ما زهقوا اتفقوا يقضوا يوم نكد ويوم فرح، مراته بقت في يوم الفرح تتحزم وترقص لجوزها وتغنيله: النكد بكرة النكد بكرة.